Anniversary Activities

RVP Marilyn C. Geduspan leads the PhRO VI Team to a tree planting activity.


This is how PhRO VI share its Corporate Social Responsibility, done in 4th times already.

PHILHEALTH DESKS SA ESTANCIA, GUIMBAL GINBUKSAN

Ciudad sang Iloilo. Ginakalipay sang mga PhilHealth members nga nagapuyo sa southern kag northern part sang Iloilo bangud may PhilHealth Service Desks na sa banwa sang Guimbal kag Estancia, Iloilo.

Bangud sini, indi na kinahanglan pa maglakat sa ciudad sang Iloilo ang may tuyo sa pagpadulong sa Philhealth office .

Ang Guimbal Service Desk napahamtang sa Senior Citizen’s Building nga ara gid lamang sa kilid sang Pedro Trono Memorial District Hospital (Guimbal Distrcit Hospital).

Samtang ang Estancia Service Desk napahmatang naman sa entrance section sang Mercado Publiko sang nasambit nga banwa.

Ang amo nga mga PhilHealth Desks nagatalupangud sang mga kinahanglanon sang mga PhilHealth members kag dependents nga nagapuyo palibot kag malapit sa amo nga kabanwahanan agud magpaupdate sang ila Member Data Records o magpalab-ot sang ila pamalangkutanon.

Ginpahayag ni Marilyn Geduspan, PhilHealth Regional Head nga ginbuksan ang ining mga PhilHealth DESKS bilang kabahin sang pagsaulog sang National Health Insurance month.

May PhilHealth personnel nga naga-asikaso sang amo nga mga opisina sa tagsa ka Martes sa Estancia kag kada Jueves naman sa Guimbal.

Ang iban pa nga PhilHealth Service Offices sa Iloilo ara sa Sara, Passi City kag ang mayor nga PhilHealth Members Assistance Center (PMAC) sini nga yara sa PhilHealth Regional Office, sa J de Leon St., Iloilo City. (Larry Tabsing, Public Affairs Unit)

BAG-O nga PAMAAGI SA PAGBAYAD SANG PHILHEALTH CLAIMS

CIUDAD SANG ILOILO. Ang Philippine Health Insurance Corporation nagpanghanda sa pagpagwa sang detalye angut sa igalunsar kag iga-implementar nga bag-o nga pamaagi sa pagbayad sang benepisyo.

Ini nahanungod sa bag-o nga standardized set sang reimbursement o ginatawag nga “case payment” para sa 22 ka mga common medical kag surgical cases nga ginabulong sa mga balay bululngan sang mga miyembro kag dependents sang Philhealth.

Ang bag-o nga mga packages ang una na nga gin-anunsyo mismo ni PhilHealth President kag CEO Dr. Rey B. Aquino kadungan sa pagselebrar sang National Health Insurance month sang Febrero 2011.

Kalakip sa 11 ka mga kaso medikal ang dengue 1 kag 2, pneumonia 1 kag 2, essential hypertension, cerebral infarction kag hemorrhage, acute gastroenteritis, asma, tipos ukon typhoid fever, kag newborn care package.

Samtang sa surgical cases naman nalakip nga pagtratar paagi sa radiotherapy, dialysis, normal kag caesarian section nga pagpanganak, appendectomy, cholecystectomy, hysterectomy, dilatation kag curettage, thyroidectomy, herniorrhapy kag mastectomy.

Pinaagi sa bag-o nga package, indi na mabudlayan pa ang mga pasyente sa pagpalamangkutanon kon pila ang igabuhin sa ila balayaran sa ospital bangod klaro kag may pat-ud nga kantidad nga bayad ang Philhealth sa tagsa ka kaso santo santo sa masakit o procedure nga ginpatigayon sa mga Philhealth accredited facilities kag doctors. (Larry Tabsing, Public Affairs Unit)

Anniversary Activities

Ang mga taga-Guimbal, Iloilo sa tion sang pagbukas sang PhilHealth Guimbal Desk.

Ang mga PhilHealth staff (orange polo) Joey Aristoki, Owen "K" Amorsolo, Paul Obordo kag Rome Dilag.

Ginapakita ni Ms. Marilyn C. Geduspan, Regional Manager sang PhilHealth and Member Data Record (MDR) nga sarang ma-imprinta sa Guimbal Service Desk.

Naga-explikar sang programa sang PhilHealth si Larry Tabsing sa mga attendees sa Guimbal PhilHealth ID distribution.

Ang PhRO VI Team PhilHealth nagpapicture pagkatapos sang programa upod samga opisyales sang banwa sang Guimbal.

(Top) Attendees to the Guimbal PhilHealth Desk launching.

(Bottom) PhRO VI FOD Head Lourdes Diocson, RVP Marilyn C Geduspan, Guimbal Mayor Kristine Garin and Guimbal SB Members stand up as they join the prayer.