Google
 

Friday, March 25, 2011

16th Anniversary Activities







Thursday, March 24, 2011

PhilHealth Guimbal Help Desks Launching





Saturday, March 5, 2011

PhilHealth Cards ginpanagtag ni Presidente Aquino sa mga Negrosanon

Bacolod City. Ginpangunahan ni President Benigno S. Aquino III ang pagpanagtag sang mga PhilHealth cards sa mga indigent beneficiaries sa Negros Occidental. Gin-updan angPresidente nanday PhilHealth President and CEO Dr. Rey B. Aquino kag DOH Secretary Enrique T. Ona, mga miyembro sang Aquino cabinet kag mga local officials sang Negros Occidental nga ginapangunahan ni Gov. Alfredo Marañon sang nagligad nga March 4, 2011.

Basi sa record, sadtong Desyembre 31, 2010 ang enrollment sa idalom sang Philhealth Sponsored Program sang Negros Occidental naglab-ot sa 211,536 ka "households". Ini nagarepresentar sang 34.0% sang kabilugan nga numero sang mga indigents nga narehistro sa Region VI nga may 623,265 ka tawo tanan.

Sa sining tuig 2011, ang probinsya sang Negros Occidental nag-apropriar sing P30 M agud ibayad sang premium counterpart sini.

May gin-alokar man ang gobyerno nasyunal nga P12 Million para sa nagkalain-lain nga local government units sa amo nga probinsya. Ang National Household Targeting System for Poverty Reduction (NHTS-PR) sang DSWD ang gingamit sa pagpili sang mga benepisaryo. Sila mapaidalum sa isa ka tuig nga coverage sang National Health Insurance Program humalin Enero1 tubtub Desyembre 31, 2011.

Magluwas sini, sa idalum naman sang Negros Occidental Comprehensive Health Care Program (NOCHP) ang probinsya naghatag pa gid sa mga Negrosanons sang comprehensibo nga health care program pina-agi sa Negros First Family Health Cards bilang dugang sa Philhealth inpatient kag outpatient benefits. Ang mga cardholders sarang makabaton sang libre nga outpatient care kag subsidized in-patient care sa mga hospitals sang probinsya kag sa mga nagapasakop nga mga facilidades kasubong sang Doña Corazon Locsin Montelibano Regional Hospital, mga districts hospitals kasubong sang Cadiz, Valladolid kag Vicente Gustilo, Don Salvador Benedicto, Lorenzo D. Zayco hospitals; Ignacio Lacson Arroyo Sr., Gov. Valeriano M. Gatuslao kag Eleuterio T. Decena Memorial hospitals; Calatrava Municipal, Teresita Jalandoni Provincial kag Kabankalan City hospitals.

Sa amo man nga pagbisita ni President Aquino ginsaksihan niya ang pag turn over sang Philhealth Capitation Fund Check nga P9,438,120.65 kay Gov. Marañon. Ang PhilHealth nagahatag sing P300 capitation per household kada tuig sa sponsoring local government unit bilang bulig sa ila agud labi pa gid mapa-sanyog ang ila serbisyo. Ang amo nga pundo sarang makapabakal sang bulong, supplies kag mga kagamitan nga kinahanglanon lakip man ang pag-improbar sang mga facilidades dala na ang administrative costs.

Ang libre nga OPD Package nagalakip sang mga diagnostic procedures kasubong sang libre nga konsultasyon, laboratory examinations (complete blood count, fecalysis, sputum microscopy kagurinalysis) ka gang chest x-ray.

Sang tuig 2010, ang Probinsya sang Negros Occidental nakabaton sang kabilugan nga P112.0 Million gikan sa PhilHealth (P82.2 million sa inpatient benefits kag P30.0 million sa Capitation fund). (Larry Tabsing, Public Affairs Unit)

Friday, March 4, 2011

Presidential Visit






Mga litrato nga ginkuha sang pagbisita ni President Benigno S Aquino III sa Bacolod City, Negros Occidental. Sa amo nga Presidential visit nagpanagtag siya sang PhilHealth cards sa mga sponsored program members ni Gov. Alfredo Marañon. Upod diri sanday PhilHealth President and CEO Dr. Rey B. Aquino, DOH Sec. Enrique kag iban pa.

Ang mga ginhatagan nga mga beneficiaries sa ceremonial ID distribution ginpasuksukan sang green nga I love PhilHealth Tshirts ginasugilanon ni Dr. Aquino kag ni RVP Marilyn Geduspan sang PhRO VI.